POEM OF THE WEEK - Ooman a magician

• POEM OF THE WEEK  - Ooman a magician

Oonoo evva hear bout a magician?

Nuh badda upin oonoo yeye so wide

Dem seh a magician is a tree-card man

Dem seh a magician mek ian float pan waata

'Im tun kerchive eena rabbit and tun felt hat eena duck

An ef oonoo nuh tan trang dem tek every cent outa oonoo packet an tun oonoo eena buttafly

But ef oonoo waan fi si magic wok

Check hi out wid a ooman

Gi har wan tousen dalla an watch har wok magic

Shi pay fi less estimate

Waata charge

Sewerage charge

Service charge

An wan nedda charge weh nuff people noh noah bout

Name Pam

Dat a bill numba wan an dat a waata

Shi pay fi energy use

Energy next an cust charge

One nedda charge weh nuff more people noh noah bout weh hi mean

Dat a bill numba two an dat a light

If oonoo waan fi si magic wok check hi out wid a ooman

An oonoo tink shi done spen?

Nooo mi fren

Shi pay school fee

Pay shap bill

Gi har madda something

An dis ready fi spen

But deh hi maaga,

Deh hi bruk

Di tousen dalla done

Ooman a magician fi chue

- V.O. Rickets

• Economic crisis

Economic crisis!

That's what wi in

Out of everything, why this?

Dat everybody asking?

Will it get better or will it get worse?

This Jamaica lan'

Crime and crisis, there mus' be a curse

on dis yah islan'

They want all of us to leave school with ten ones

But is the Government willing to pay

Jamaica is losing all its fans,

So everybody waan fly away

Is hundred a fi wi dollar coin Uncle Sam affi get

before wi can even get one degge degge dolla

Wi hav wi good good nation but wi gone inna debt

jus because wi love falla.

Everyday dem a spen money on unnecessary things

wat is left outta weh dem nuh thief

dem buy themselves car, if they could they'd buy wings

But that's only the brief

What to do, what to do?

IMF, save us!

But we know that dem ago nyam out di money fi true

All dem a kick up rumpus

The country need to be reformed

It can no longer be one man for himself.

Corruption need to be torned

Pretend it's Christmas and every Jamaican is an elf.

We can build our nation,

We can make it better

But not with the disruption and corruption

Pulling down the lever

We need to come together to end this

Only if we become one, we can come out of the economic crisis.

- Kerece Williams